'శూర్పణఖ' తరహా పాత్రలో కాజల్?

'రామాయణం'లో అందరికీ బాగా గుర్తుండే పాత్రల్లో 'శూర్పణఖ' ఒకటిగా కనిపిస్తుంది. లక్ష్మణుడి చేతిలో అవమానంపాలై ..  ఆ విషయాన్ని రావణుడితో చెప్పి, సీత అపహరణకు ప్రధాన కారకురాలవుతుంది. ఆ తరహా పాత్రలో కాజల్ కనిపించనుందనే టాక్ వినిపిస్తోంది. రామాయణంలో శూర్పణఖ .. రావణుడి సోదరిగా అసుర లక్షణాలతో కనిపిస్తుంది. ఈ సినిమాలో శూర్పణఖ అందంగా వుంటుంది .. స్వభావం మాత్రం అందుకు భిన్నంగా ఉంటుంది.

శూర్పణఖ పాత్రను స్ఫూర్తిగా తీసుకుని దర్శకుడు భార్గవ్ ఈ సినిమాను రూపొందించడానికి రెడీ అవుతున్నాడు. సోషియో ఫాంటసీ గా ఈ సినిమా నిర్మితమవుతుంది. తెలుగు .. తమిళ .. కన్నడ భాషల్లో ఈ సినిమా చేయడానికి భార్గవ్  సన్నాహాలు మొదలుపెట్టేశాడు. శూర్పణఖ పాత్రకిగాను కాజల్ ను సంప్రదించినట్టు సమాచారం. కథ .. ప్రధాన పాత్ర స్వరూప స్వభావాలు కాజల్ కి బాగా నచ్చాయట. త్వరలోనే ఆమె గ్రీన్ సిగ్నల్ ఇవ్వడం ఖాయమనే అభిప్రాయాలు వినిపిస్తున్నాయి.